Jahá nú snjóar í Vestmannaeyjum, það er sko óhætt að segja það. Þetta er mesti snjórinn sem að hefur komið hér í vetur, og ekki hefur nú snjóað lítið undanfarið hehe. Það er það mikill snjór að ég og Laufey festum bílinn á leiðinni heim. Ég þurfti að hringja í pabba (nb, klukkan var að ganga hálf eitt) og hann kom að reyna að draga okkur, svo birtist Smári sonur Heimis og Eyglóar. Já og hann var á stuttbuxum og bol. Hann og pabbi bösluðust og brösuðust í næstum hálftíma þangað til að annar nágranni kom á aðeins stærri bíl og náði að draga bílinn hérna upp Ásaveginn. Jú og þá var Smári kominn undir stýri (já ég gafst upp híhí) . En já það er gott að eiga góða að um miðja nótt í snjóbyl
En annars þá ganga æfingar alveg með eindæmum vel, allt að verða klárt júbbíí. Enda kominn tími á að allt fari að ganga upp þar sem að það eru bara rétt rúmar tvær vikur í frumsýningu.
En svona smá fréttir af kílóunum sem virðast vera að fjúka þó að ég hafi ekki farið í ræktina síðan að ég fékk þessa líka svakalegu flensu fyrir rúmri viku síðan. Við erum að tala um að ég varð svo ógeðslega veik að mamma kom til mín úr Hfj, hún þorði nú bara ekki öðru held ég. Ég var í stuttu máli sagt með rúmlega 40 stiga hita í rúma 3 daga!!!!! Já og geri aðrir betur. En já eins og ég var byrjuð að segja áðan að þá hef ég ekki beint verið að treysta mér í ræktina síðan að ég var veik, finnst ég bara ekki alveg vera búin að jafna mig. En svo fór ég áðan í einar náttbuxur sem að ég hef ekki notað í langan tíma af því að þær voru orðnar óþægilegar þröngar. En við erum að tala um að þær eru vægast sagt orðnar hólkvíðar á mig. Svo að ég er bara öfga spennt að fara næst á vigtina. Set hér inn nýjustu tölur um leið og það gerist.
En ég bið bara að heilsa í bili úr snjóstormnum mikla
Over and out.